Zaqatalada 5 gün əvvəl baş verən yol qəzasında ağır xəsarət alan 17 yaşlı yeniyetmə xəstəxanada vəfat edib.
Shimal.News məlumat verir ki, Muxax kənd sakini 17 yaşlı Tunar Rizvan oğlu Ramazanov Zaqatala Rayon Mərkəzi Xəstəxanasının Reanimasiya şöbəsində müalicə alırdı.
Həkimlərin səylərinə baxmayaraq, onun həyatını xilas etmək mümkün olmayıb.
Qeyd edək ki, qəza avqustun 14-də saat 02:00 radələrində Qax-Zaqatala yolunun Yuxarı Tala kəndi ərazisində baş verib.
17 yaşlı Məhərrəm Rasim oğlu Ramazanovun idarə etdiyi "Lada Priora" markalı avtomobil idarəetmədən çıxaraq yol kənarındakı ağaca çırpılıb.
Nəticədə sürücü Məhərrəm Ramazanov, sərnişinlər – Tunar Ramazanov, 17 yaşlı Sənan Kamil oğlu Şabanov və 22 yaşlı Qismət Hikmət oğlu Əliyev müxtəlif dərəcəli xəsarətlər alıblar.
Faktla bağlı araşdırma aparılır.
