Zaqatalada "VAZ 21099" markalı avtomobil ağaca çırpılıb, sürücü sükan arxasında yanaraq ölüb.
Hadisə gecə saat 02:00 radələrində Qax-Zaqatala avtomobil yolunun Zaqatala rayonunun Yeni Suvagil kəndinin giriş hissəsində baş verib.
Belə ki, Əfqan Əfəndi oğlu Mülkümovun idarə etdiyi "VAZ21099" markalı 62-BM-725 qeydiyyat nişanlı avtomobil hərəkətdə olarkən idarəetməni itirməsi səbəbilə yol kənarındakı ağaca çırpılıb.
Qəzadan sonra avtomobil yanmağa başlayıb. Sürücü Əfqan Mülkümov sükan arxasında qəza zamanı aldığı ağır xəsarətlərdən və avtomobildə baş verən yanğından yanaraq ölüb.
Avtomobil Zaqatala rayon Dövlət Yanğından Mühafizə Hissəsinin yanğınsöndürənləri tərəfindən söndürülüb.
Sürücünün meyiti müayinə olunmaq üçün Məhkəmə Tibbi Ekspertiza və Patoloji Anatomiya Birliyinin Zaqatala rayon şöbəsinə təhvil verilib.
Faktla bağlı müvafiq qrumlarda araşdırma aparılır.
Mənbə: Apa.аz
