Qax rayonunda təsərrüfat işləri ilə məşğul olan qadını ilan sancıb. Məlumata görə, hadisə rayonun Ağyazı kəndində yerləşən aqroparkda baş verib.
Zaqatala rayonunun Əliabad qəsəbə sakini, 47 yaşlı Aygün İsgəndərova meyvə yığımı zamanı qəfil ilan sancmasına məruz qalıb. İlkin məlumata görə, qadını gürzə sancıb.
Hadisədən sonra A.İsgəndərova Qax Rayon Mərkəzi Xəstəxanasına çatdırılıb. Ona ilkin tibbi yardım göstərilib və ilan zəhərinə qarşı zərdab vurulub.
Hazırda qadının vəziyyəti orta ağır qiymətləndirilir.
Mənbə: Xezerxeber.az
