İsmayıllı rayonunda evlərdən və istirahət mərkəzlərindən oğurluq edən şəxs saxlanılıb.
Shimal.News xəbər verir ki, rayon ərazisində müxtəlif vaxtlarda evlərdən məişət əşyalarının oğurlanması ilə bağlı polisə məlumatlar daxil olub.
Polis əməkdaşlarının keçirdikləri tədbirlər nəticəsində oğurluqları törətməkdə şübhəli bilinən 24 yaşlı İlkin Hüseynov müəyyən edilərək saxlanılıb.
Araşdırmalar zamanı onun rayon ərazisində yerləşən bir neçə istirahət mərkəzindən də oğurluq etdiyi müəyyənləşdirilib.
Faktla bağlı cinayət işi başlanılıb. İ.Hüseynov barəsində məhkəmənin qərarı ilə həbs qətimkan tədbiri seçilib.
