İsmayıllıda göldə boğulan iki yeniyetmənin - bacı və qardaşın meyitləri tapılıb.
Hadisə rayonun Minkə kəndində yerləşən təsərrüfat əhəmiyyətli göldə baş verib. Bildirilir ki, yeniyetmələr ehtiyatsızlıq nəticəsində suya düşüblər.
2011-ci il təvəllüdlü Əfsanə İsmayılova və onun 2014-cü il təvəllüdlü qardaşı Cahan İsmayılovun meyitləri göl ərazisində tullantılar üçün qazılmış su quyusundan tapılaraq çıxarılıb.
Meyitlərə müvafiq baxış keçirildikdən sonra ailələrinə təhvil verilib.
Faktla bağlı araşdırma aparılır.
