Xudatda yaşayış binasında ağcaqanadların çox olması sakinlərin narazılığına səbəb olub. Bu haqda ShimalNews 30 avqust tarixində məlumat daxil olub.
Bu hal Konserv zavodu ərazisində yerləşən 1 saylı yataqxanada müşahidə edilir. Binanın 1-ci blokunda yaşayan sakinlərin sözlərinə görə, ağcaqanadlar mənzillərə dolaraq, onların yaşayışını çətinləşdirir.
Məsələ ilə bağlı məlumat əldə olunub. Belə ki, həmin binanın 1-ci mərtəbəsində aparılan təmir işləri zamanı su borusu zədələnib. Nəticədə zirzəmiyə böyük həcmdə su yığılıb və bu səbəbdən ağcaqanadlar çoxalıb.
Artıq fəsadları aradan qaldırmaq üçün təmir işlərinə başlanılıb.
