Xaçmazın Niyazabad kəndindən olan əkiz bacılar Selcan və Nurcan Əkbərovalar tələbə adını qazanaraq eyni ixtisasda təhsil alacaqlar.
Bacılar II ixtisas qrupu üzrə qəbul imtahanında iştirak ediblər. Selcan 322 bal, Nurcan isə 317 bal toplayıb.
Hər iki bacı Sumqayıt Dövlət Universitetinin Sosiologiya ixtisasına qəbul olub.
Selcan və Nurcan 2015-ci ildə Niyazabad kənd tam orta məktəbinin birinci sinfinə gediblər və bütün təhsil illərini eyni sinifdə keçiriblər. Bu il isə məktəbi birlikdə bitiriblər.
Əkizlərin anası Rəna Əkbərova qızlarının eyni universitetə və eyni ixtisasa qəbul olmasından məmnunluğunu ifadə edib.
Qeyd edək ki, ailədə dörd övlad var. Əkiz bacılar ailənin sonbeşikləridir. Onların anası xalçaçı, atası isə balıqçıdır.
Mənbə: Azərtac
