Xaçmazda sosial şəbəkədə xəstə şəxsin görüntülərini icazəsiz paylaşaraq yardım adı ilə pul toplayan şəxs saxlanılıb.
Məlumata görə, 26 yaşlı Maqsud Həsənov (şərti adla) xəstə vəziyyətdə olan Füzuli Kərimovun (şərti adla) foto və videolarını icazəsiz şəkildə "TikTok" hesabında yayımlayıb.
O, yardım toplamaq adı ilə öz bank kartının rekvizitlərini də paylaşaraq göndərilən pulları mənimsəyib.
Nəticədə iki nəfər ona ümumilikdə 170 manat pul göndərib. Daha sonra həmin şəxslər hesabın xəstəyə aid olmadığını öyrənərək şikayət ediblər.
Maqsud Həsənov saxlanılıb və barəsində inzibati protokol tərtib olunub. O, məhkəmədə əməlindən peşman olduğunu bildirib.
Məhkəmənin qərarı ilə ona 180 saat ictimai işlər cəzası verilib.
Mənbə: Lent.az
