Xaçmaz rayonunda sürücülər haqsız yerə cərimələndiklərini iddia edirlər. Bu barədə ShimalNews 27 sentyabr tarixində Avtosfer.az-a istinadən məlumat verir.
“Yolda istiqaməti bildirən nişanın üzərində qeyd olunub ki, düzünə Xaçmaz rayonuna, sağa isə Bakı şəhərinə getmək olar. Ondan sonra isə maneəni sağdan keçmə nişanı quraşdırılıb. Lakin maneəni sağdan keçmək üçün gərək yoldan kənara düşək. Bir sözlə, düzünə getməyi qadağan edən heç bir nişan olmadığı halda yol polisi bizi cərimələyir”, - deyə sürücülər bildiriblər.
Yolun sağında quraşdırılmış 4.2.1 nişanının (Maneəni sağdan keçməyi bildirən nişan) tələbinə əməl etmək üçün avtomobil asfalt yoldan kənara çıxaraq kolluqdan keçməlidir.
