Xaçmazda 3 nəfərin xəsarət alması ilə nəticələnən qəza baş verib. Bu haqda ShimalNews 7 sentyabr tarixində məlumat verir.
Qəza Bakı-Quba-Rusiya avtomobil yolunda baş verib. Belə ki, magistralın Xaçmazdan keçən hissəsində "Shacman" və "Ford" markalı avtomobillər toqquşub.
Yol-nəqliyyat hadisəsi zamanı 54 yaşlı İlqar Orucov, 33 yaşlı Emil Bədəlov və 33 yaşlı Şahin İskəndərov müxtəlif dərəcəli xəsarətlər alıblar. Vətəndaşlar Xaçmaz Rayon Mərkəzi Xəstəxanasına çatdırılıblar.
Araşdırma aparılır.
