Xaçmaz rayonunun Qaraqurdlu kəndində Tərlan Məhərrəmov küçəsinin sakinləri yol və elektrik problemlərindən narazıdırlar.
Shimal.News-a danışan sakinlərin sözlərinə görə, təxminən 20 ildir yayda küçə toz-torpaq olur. Yağışlı havalarda isə ərazi palçığa çevrilir.
Vətəndaşlar bildirirlər ki, bu vəziyyət məktəblilərə, yaşlılara və xəstələrə ciddi çətinlik yaradır.
Üstəlik küçədə işıqlandırmanın olmadığı da qeyd edilir. Elektrik enerjisinin tez-tez kəsildiyi bildirilir. Gecə saatlarında isə küçə qaranlığa qərq olur.
Problemlə bağlı dəfələrlə "Azərişıq"ın 199 qaynar xəttinə də zəng edərək operatorla əlaqə saxlamaq istəsələr də bu mümkün olmur. Aidiyyəti qurumlara müraciətlər isə heç bir nəticə vermir..
Sakinlər küçənin asfaltlanmasını və işıqlandırma probleminin həllini istəyirlər.
