Xaçmaz sakinləri gələcəkdə dəmir yolunun üzərindən keçidin lazımi yerdə tikiləcəyinə inanmırlar. Bu haqda ShimalNews 15 dekabr tarixində məlumat verir.
Bir müddət sonra qatar xətlərinin ətrafı çəpərlənəcək. Vağzal ərazisində piyada keçidləri artıq inşa olunur.
Bununla bağlı İzmayılovka kimi tanınan ərazidə yaşayan sakinlər qabaqcadan müraciət ediblər. Onlar imzalar toplayaraq "Azərbaycan Dəmir Yolları" QSC-yə ünvanladıqlarını bildiriblər:
“Burada 300-dən çox ev var. İnsanlar hər gün dəmir yolunu keçməli olurlar. Düzdür, yerüstü piyada körpüsü tikilir, lakin o, buradan çox uzaqdır. Məktub yazdıq, cavab gəldi ki, baxılıb köməklik göstəriləcək. Amma başqa mənbədən öyrəndik ki, heç bir körpü olmayacaq”.
