Xaçmazın Zəfər parkında "Sülh aylığı" çərçivəsində "Gənclərlə mütaliə və melodiya" adlı kitab sərgisi təşkil olunub.
Shimal.News-un məlumatına görə, tədbirdə gənclərin dünyagörüşünün formalaşmasında və mütaliə vərdişlərinin inkişafında bu cür tədbirlərin rolundan danışılıb.
Çıxış edən Xaçmaz Rayon İcra Hakimiyyəti başçısının müavini Günel Nürəddinova və digər natiqlər gənclərin mütaliəyə cəlb olunmasının vacibliyini vurğulayıblar.
Sərgidə yeni nəşr olunan kitablarla yanaşı, yerli yazarlara məxsus əsərlər də nümayiş etdirilib. İştirakçılara müxtəlif rəsm və əl işlərindən ibarət eksponatlar da təqdim olunub.
Tədbir canlı musiqi və melodiyaların müşayiəti ilə davam edib.
