“Azəriqaz” İB həftənin ilk “Açıq mikrofon" aksiyasını Xaçmazda keçirib. Bu barədə ShimalNews 27 sentyabr tarixində birliyə istinadən məlumat verir.
Aksiyada ümumilikdə 13 müraciət səslənib. Bu zaman mexaniki tipli qaz sayğaclarının smart-kart tipli cihazlarla əvəz edilməsi, qaz xəttinin yerinin dəyişdirilməsi ilə bağlı müraciətlər edilib.
Digər müraciətlər arasında Yergüc kəndində yeni yaşayış massivinin qazlaşdırılması, fərdi yaşayış evlərinə qaz xəttinin çəkilməsi və debitor borcun hiss-hissə ödənilməsinə şərait yaradılmasına köməkliyin göstərilməsi olub.
Müraciətlər Xaçmaz Regional qaz istismarı İdarəsinin rəhbərliyi tərəfindən cavablandırılıb. Bəzi müraciətlərin araşdırılmasına dair tapşırıqlar verilib.
