Xaçmaz və Xudat şəhərlərində bir neçə müasir avtobus dayanacağı artıq istifadəyə verilib.
Shimal.News-un məlumatına görə, Azərbaycan Yerüstü Nəqliyyat Agentliyi tərəfindən cari il ərzində şəhərlərlə yanaşı, magistral yolların kənarında yerləşən kəndlərdə də 50-dən çox yeni dayanacağın quraşdırılması planlaşdırılır.
Yeni dayanacaqların əsas məqsədi sərnişinlərin daha rahat və təhlükəsiz şəkildə ictimai nəqliyyatdan istifadə etməsini təmin etməkdir.
Qeyd edək ki, dayanacaq məntəqələrinin yeri müəyyənləşdirilərkən sərnişin tələbatı, yol hərəkətinin təhlükəsizliyi və mövcud infrastruktur da nəzərə alınır.
