Bu gün şəhid Bakıxan Səlimlinin doğum günüdür.
Bakıxan Alim oğlu Səlimli 1993-cü il avqustun 31-də Şəki rayonunun Əliyar kəndində anadan olub.
Azərbaycan Ordusunun baş giziri olan Bakıxan Səlimli 2020-ci il sentyabrın 27-də başlayan Vətən müharibəsi zamanı Cəbrayıl və Füzuli rayonlarının azadlığı uğrunda gedən döyüşlərdə iştirak edib.
O, oktyabrın 27-də Füzuli istiqamətində gedən döyüşlərdə şəhid olub, doğulduğu Əliyar kəndində də dəfn edilib.
Bakıxan Səlimli ölümündən sonra "Vətən uğrunda", "Füzulinin azad olunmasına görə", "Cəsur döyüşçü" və III dərəcəli "Vətənə xidmətə görə" medalları ilə də təltif edilib.
