Qusarçayın hövzəsində yerləşən Tufandağ buzlağında növbəti monitorinq və tədqiqat işləri aparılıb.
Shimal.News-un məlumatına görə, ekspedisiya 5–11 avqust tarixlərində Milli Hidrometeorologiya Xidməti və Suların İstifadəsinə və Mühafizəsinə Dövlət Nəzarəti Xidmətinin mütəxəssisləri tərəfindən keçirilib.
Monitorinq zamanı buzlaq ekosistemində bir sıra dəyişikliklərin olduğu müəyyənləşdirilib. Bəzi ərazilərdə buzlaq səthinin qalınlaşması müşahidə edilsə də, buzlaq dilinin əvvəlki illərlə müqayisədə geriyə çəkildiyi qeydə alınıb.
Mütəxəssislər bu dəyişikliklərin qlobal iqlim dəyişmələri ilə bağlı müşahidə olunan tendensiyalara uyğun olduğunu bildirirlər.
