Xaçmaz-Quba yolunda qəza törədərək qaçmaq istəyən traktor digər avtomobillə toqquşub. Nəticədə xəsarət alanlar var. Bu barədə ShimalNews 5 noyabr tarixində Report-a istinadən xəbər verir.
Hadisə magistral yolun 12-ci km-də qeydə alınıb. Trakror hərəkətdə olarkən "Qazel" markalı yük avtomobilinə çarpılıb. Daha sonra günahkar qəza yerindən yayınmaq istəyib və “Mercedes" markalı nəqliyyat vasitəsi ilə toqquşub.
Nəticədə Xaçmaz rayon sakinləri: 33 yaşlı Ülviyyə Qeybullayeva və 58 yaşlı Sevda Cavadova müxtəlif dərəcəli xəsarətlər alıblar.
Yaralılar Xaçmaz Rayon Mərkəzi Xəstəxanasına çatdırılıblar.
Şahidlərin sözlərinə görə, hadisəyə səbəb traktorun sürücüsünün ötmə əməliyyatını düzgün yerinə yetirməməsi olub.
Faktla bağlı araşdırma aparılır.
