Xaçmaz rayonunda 298 nəfərin ünvanlı dövlət sosial yardımı alması üçün formal iş yerlərinin rəsmiləşdirilməsində təqsirləndirilən Zamiq Əsədovun apellyasiya şikayəti təmin edilməyib.
İş üzrə Sumqayıt Apellyasiya Məhkəməsində keçirilən prosesdə şikayət təmin olunmayıb.
İttihama görə, Zamiq Əsədov 2020-ci ildə 298 nəfərin Xaçmaz rayonunda kənd təsərrüfatı sahəsində formal olaraq işə qəbul edilməsi barədə məlumatları elektron sistemə daxil edib.
Həmin şəxslər bu yolla ünvanlı dövlət sosial yardımı almaq hüququ əldə ediblər.
İstintaqın hesablamasına əsasən, nəticədə ümumilikdə 578 989,26 manat sosial yardım ödənilib.
Xaçmaz Rayon Məhkəməsi Zamiq Əsədovu 6 il 6 ay müddətinə azadlıqdan məhrum edib. Həmçinin 578 959,26 manat maddi zərərin dövlətə ödənilməsi barədə qərar qəbul edilib.
Zamiq Əsədov hökmü ilə razılaşmayaraq apellyasiya şikayəti verib.
Sumqayıt Apellyasiya Məhkəməsi isə onun şikayətini təmin etməyib.
Mənbə: Pravda.аz
