Şabran şəhəri Tofiq Abbasov adına 1 nömrəli tam orta ümumtəhsil məktəbinin məzunu Sənan Babayev yüksək nəticəsi ilə rayonun fəxr etdiyi məzunlardan birinə çevrilib.
Shimal.News xəbər verir ki, Sənan Babayev II ixtisas qrupu üzrə qəbul imtahanında 637,6 bal toplayaraq yüksək nəticə göstərib. O, ali təhsilini Qarabağ Universitetində davam etdirmək qərarına gəlib.
Yüksək akademik göstəriciləri və əldə etdiyi nailiyyətlərə görə Sənan Babayev Elm və Təhsil naziri tərəfindən "Qızıl nişan" və tam orta təhsil haqqında xüsusi nümunəli attestatla təltif olunub.
Onu da qeyd edək ki, Sənan ikiqat Respublika Fənn Olimpiadasının (RFO), həmçinin "Əlaçı" telelayihəsinin qalibi olub.
