Şabran rayonunda tullantıların atılması üçün ayrılmış ərazinin baxımsız vəziyyətdə olduğu bildirilir.
Shimal.News-a danışan sakinlərin sözlərinə görə, ərazi rayon mərkəzindən təxminən 3 kilometr məsafədə, Cavadxan küçəsində yerləşir.
Sakinlər bildirirlər ki, son 5-6 aydır cavabdeh qurumda dəyişiklik baş verib. O, vaxtdan ərazinin təmizlənməsinə lazımi diqqət göstərilmir. Tullantıların daşınması üçün bəzən ətrafda yaşayan sakinlər öz vəsaitlərindən istifadə edirlər.
Onların sözlərinə görə, ərazidə zibil qabları da yoxdur. Tullantılar toplandıqdan sonra daşınması əvəzinə yandırılır. Lakin vətəndaşlar bunun qarşısını almağa çalışırlar. Çünki bunun nəticəsində ətrafa kəskin qoxu və hava ilə zərərli maddələr yayılır.
Sakinlər problemin həll olunmasını və tullantıların mütəmadi şəkildə ərazidən daşınmasını istəyirlər.
