Qusarda 3 nəfərin xəsarət alması ilə nəticələnən qəza baş verib. Bu barədə ShimalNews 5 dekabr tarixində məlumat verir.
Hadisə ötən gün saat 12:30 radələrində Qusar-Şahdağ yolunun 17-ci kilometrində qeydə alınıb. Burada “Lada” markalı minik avtomobili ilə “AzSamand” markalı minik avtomobili toqquşub. Qəza nəticəsində müxtəlif bədən xəsarətləri alan 3 nəfər təcili tibbi yardımın köməyi ilə Qusar Rayon Mərkəzi Xəstəxanasına çatdırılıb. Xəsarət alanlardan birinin vəziyyəti ağır olduğundan o, Bakıya aparılıb.
Şahidlərin sözlərinə görə, “Lada” Şahdağ istiqamətində hərəkət edərkən idarəetmədən çıxıb və qarşı tərəfdən gələn “AzSamand”-a çarpılıb. Nəticədə sonuncu dərəyə düşüb.
Əraziyə DYP-nin əməkdaşları cəlb olunublar. Maşınlar evakuator vasitəsilə cərimə meydançasına aparılıb.
[caption id="attachment_32204" align="alignnone" width="640"]
Photo Shimal.News[/caption]
[caption id="attachment_32205" align="alignnone" width="640"]
Photo Shimal.News[/caption]
