Qusarın 250-dən çox yaşayış evi olan Xurel kəndində qaz yoxdur. Bu barədə 21 dekabr tarixində sakinlər Real TV-yə şikayətlərini bildiriblər.
Sakinlərin sözlərinə görə, onlar məcburən meyvə ağaclarını kəsərək mənzillərini qızdırırlar. Bu hal onları ciddi şəkildə narahat edir. Çünki bağ sahələrində ağacların sayı hər keçən gün azalır.
Kənddə olan hər bir evdə ancaq qış mövsümü ərzində 2 maşından çox odun yandırılır. Bir maşın odun da sakinlərə 420-450 manat arası başa gəlir, bu isə o deməkdir ki, bir mövsümə 900-1000 manat arası oduna vəsait tələb olunur.
Məsələ ilə bağlı “Azəriqaz” bildirdi ki, Xurel kəndi qazla təmin ediləcək məntəqələrin siyahısındadır.
2021-ci ilə qədər orta hesabla ölkə ərazisində 30-35 minə yaxın fərdi yaşayış evi qazlaşdırılıb.
