Qubada 2 küçənin kəsişməsi məişət tullantılarından təmizlənib və zibil qutuları ilə təmin edilib. Bu barədə ShimalNews 12 avqust tarixində məlumat verir.
Ərdəbil ilə Səkinəxanım Axundzadə küçələrinin kəsişməsində natəmizlik müşahidə olunurdu. Bu isə sakinlərin narazılıqlarına səbəb olmuşdur.
Bir müddət öncə bu məsələ ilə bağlı oxucularımızın müraciətlərini dərc etmişdik:
“Uzun müddətdir bu ərazidə məişət tullantıları üçün ayrılmış xüsusi yer yoxdur. Qalan bütün küçə kəsişmələrində zibil qutuları var. Sahibsiz itlər də zibilləri ağzına alıb, dağıdıb yerlərə səpələyirlər. Küçənin bu hissəsindən keçmək olmur. Dəfələrlə aidiyyəti qurumlara müraciət olunub, lakin nəticə yoxdur. Çıxış yolu kimi divarlara xoşagəlməz sözlər yazılıb”.
