Quba rayonunda 3 nəfərin ölümü ilə nəticələnən yol-nəqliyyat hadisəsi qeydə alınıb. Bu barədə ShimalNews 12 sentyabr tarixində məlumat verir.
Qrızdəhnə kəndində “VAZ Niva” markalı avtomobil 60 metr hündürlükdən dərəyə yuvarlanıb. Əraziyə FHN-in xilasetmə qüvvələri cəlb olunub. Nəticədə qəza yerinə yaxın ərazidə 2 nəfərin meyiti aşkar edilib.
Məlum olub ki, sürücü, Küsnət Qazma kənd sakini, 34 yaşlı Valid Beydullayev və sərnişin, Qəçrəş kənd sakini, 52 yaşlı İlham Əhmədov yerində dünyalarını dəyişiblər. Hər 2 şəxsin meyiti dərədən çıxarılaraq aidiyyəti üzrə təhvil verilib. Avtomobilə baxış zamanı orada əlavə heç kimin olmadığı müəyyən olunub.
Şahidlər bildirib ki, avtomobildə 3-cü şəxsi görüblər. Xilasedicilər axtarışları davam etdirib. Nəticədə Elxan adlı Qrızdəhnə kənd sakininin meyiti aşkar edilib.
Sıldırımdan yerə düşən avtomobili hadisə yerindən çıxarmaq hələlik mümkün olmayıb.
View this post on Instagram
