Qubanın əsas yollarında müşahidə kameraları quraşdırılır. Bu barədə ShimalNews-a 5 sentyabr tarixində məlumat daxil olub.
Hazırda işlər H.Əliyev prospektində aparılır. Texnika və canlı qüvvə texniki işləri icra edir. Köhnələrək sıradan çıxan kameralar yeni nəsil avadanlıqla əvəz edilir.
Bu kameraların 24 saat izləmə imkanı var. Onların quraşdırılmasında əsas məqsəd əhalinin kütləvi toplaşdığı yerlərdə, küçə və meydanlarda, təhsil, mədəniyyət və səhiyyə müəssisələrinin, dövlət əhəmiyyətli obyektlərin ərazilərində hüquq qaydalarına riayət olunub-olunmamasını fasiləsiz izləməkdir.
