Elektrik enerjisinin verilişində keyfiyyət göstəricilərinin artırılması və artan yük tələbatının qarşılanması məqsədilə avqustun 26-da Quba rayonunda təmir işləri aparılacaq.
Bu məqsədlə 10 və 35 kV-luq hava elektrik verilişi xətlərində təmir və xətlərə toxunan ağacların budanması işləri həyata keçiriləcək.
Nəticədə Quba Elektrik Şəbəkəsinə (EŞ) daxil olan Amsar kəndində, həmçinin şəhərin 30, 32 və 33-cü məhəllələrində, Dəvədabanı yaşayış massivində, Səmədağa Ağamalıoğlu, Mirzəbaba Tahirov, Məhəmməd Əmin Rəsulzadə və Məşədi Əzizbəyov küçələrində, 12-ci kvartal və Meydan ərazilərində saat 10:00-dan 14:00-dək elektrik enerjisinin verilişində məhdudiyyət olacaq.
