Shimal.News xəbər verir ki, Dövlət Sərhəd Xidmətinin əməkdaşları "Samur" sərhəd-keçid məntəqəsində Rusiyaya gedən iki yük maşınını yoxlayıblar.
Yoxlama zamanı "Mercedes" markalı avtomobildə 9 ton 200 kiloqram, "Renault" markalı avtomobildə isə 14 ton 445 kiloqram avtomobil ehtiyat hissəsi aşkarlanıb.
Sənədlərin yoxlanılması zamanı yüklərin təyinat ölkəsinin dəyişdirildiyi və bununla bağlı saxta müşayiətedici sənədlərin təqdim olunduğu müəyyən edilib. Hər iki yük maşınının sürücüsü saxlanılıb.
Faktla bağlı araşdırma aparılır.