Qubada saat 17:30 radələrində xəsarətlə nəticələnən avtomobil qəzası baş verib. Bu barədə ShimalNews 30 avqust tarixində məlumat verir.
Hadisə Quba-Xaçmaz yolunda, Zərdabi qəsəbəsi ərazisində qeydə alınıb. “VAZ-2107” və “Hyundai Sonata” markalı avtomobillər toqquşaraq yol kənarına düşüblər. Əraziyə yol polisi cəlb olunub.
Hər 2 sürücü təcili tibbi yardım avtomobili ilə xəstəxanaya çatdırılıb.
Şahidlərin sözlərinə görə, qəza “07”-nin səhv ötmə əməliyyatı etdiyinə görə baş verib.
