Oğuz rayonunda güclü yağışlardan sonra sel təhlükəsi yaranan Qalaçayda təxirəsalınmaz işlər aparılır.
Shimal.News-a bu barədə Oğuz Su Meliorasiya Sistemlərinin İstismarı İdarəsindən bildirilib.
Avqustun 13-14-də yağan güclü yağışlar nəticəsində rayon ərazisindən keçən çaylarda suyun səviyyəsi artıb.
Hazırda 7 ədəd ağır texnika Qalaçayın Yemişənli, Dəymədərə, Ərmənət və Xaçmaz kəndləri ərazisindən keçən hissələrinə cəlb olunub.
Texnikalar vasitəsilə sel sularının çayın mərkəzi ilə axıdılması üçün işlər görülür.
İşlərin günün sonunadək, təhlükə tam aradan qalxana qədər davam etdiriləcəyi bildirilib.
