2026/2027-ci tədris ili üzrə ali məktəblərə qəbulun nəticələri açıqlanıb. Şimal bölgəsində bir sıra məktəb və siniflərin bütün məzunlarının ali məktəblərə qəbul olması diqqət çəkib.
Shimal.News 100 faiz nəticə göstərən məktəb və sinifləri təqdim edir:
- Şəki şəhər Kimya-Biologiya Təmayüllü Liseyinin 60 məzununun hamısı ali məktəbə qəbul olaraq tələbə adını qazanıb.
- Qax şəhər 2 saylı məktəb-liseyinin XI V və XI U siniflərinin bütün məzunları ali məktəblərə qəbul olub.
- Qəbələ şəhəri Nicat Apayev adına 4 nömrəli tam orta məktəbin 11A və 11B siniflərinin bütün şagirdləri ali məktəbə qəbul olunub.
- Oğuz şəhər Nail İbrahimli adına 3 saylı məktəb-liseyin 11H sinfinin 15 şagirdinin hamısı ali məktəblərə qəbul olub.
- Qusar şəhəri Elxan Güləliyev adına 2 nömrəli tam orta məktəbin 11A sinfinin bütün şagirdləri ali təhsil müəssisələrinə qəbul olunub.
Tələbə adını qazanan bütün məzunları təbrik edir, onlara uğurlar arzulayırıq!
