İsmayıllı rayonunun Qalınçaq Meşəbəyliyində meşə yanğınlarının qarşısının alınması ilə bağlı praktiki təlim təşkil olunub.
Shimal.News xəbər verir ki, təlim Fövqəladə Hallar Nazirliyinin Şimal-Qərb Regional Mərkəzi və Ekologiya və Təbii Sərvətlər Nazirliyinin yerli qurumlarının birgə təşkilatçılığı ilə 3 saylı Meşə dolayında keçirilib.
Təlimdə FHN, DİN, Ekologiya və Təbii Sərvətlər Nazirliyi, Azərbaycan Dövlət Su Ehtiyatları Agentliyinin yerli qurumlarının əməkdaşları, eləcə də yerli icra və özünüidarəetmə orqanlarının nümayəndələri, sahibkarlar və sakinlər iştirak ediblər.
Tədbir zamanı meşələrdə yanğınların qarşısının alınması, yanğın təhlükəsizliyi qaydalarına əməl olunması və qabaqlayıcı tədbirlərin əhəmiyyəti barədə məlumat verilib.
Daha sonra meşə ərazisində şərti yanğının söndürülməsi əməliyyatı simulyasiya edilib. iştirakçılara maarifləndirici materiallar da paylanılıb.
