Şəki Olimpiya İdman Kompleksində Azərbaycanda ilk dəfə olaraq "AVAZ" -Gənclərin Xor Düşərgəsi baş tutub.
Shimal.News-un məlumatına görə, tədbir Gənclər və İdman Nazirliyinin dəstəyi və Bakı İctimai Xorunun təşkilatçılığı ilə keçirilib.
Beş gün ərzində gənclər üçün xor sessiyaları, ustad dərsləri və müxtəlif təlimlər təşkil olunub. İştirakçılar musiqi ilə yanaşı, komanda quruculuğu, layihələrin idarə edilməsi, səhnə danışığı və rəqəmsal alətlər üzrə də təlimlərə cəlb ediliblər.
Düşərgə çərçivəsində Qaxın İçəri Bazar qala kompleksində və Şəki Xan Sarayında konsert proqramları təqdim olunub.
Gənclər solo ifalarla yanaşı, xor kollektivi ilə "Qarabağ", "Tələbə", "Bayatılar", "Love" və "Sarı gəlin" əsərlərini səsləndiriblər.
Layihənin əsas məqsədi gəncləri xor sənəti ətrafında bir araya gətirmək, onların musiqi və yaradıcılıq potensialını inkişaf etdirmək və Azərbaycanda xor mədəniyyətinə yeni nəfəs gətirməkdir.
