Zaqatala rayonunda icra başçısının sürücüsünün ölümü ilə nəticələnən yol-nəqliyyat hadisəsi ilə bağlı cinayət işi başlanılıb.
Məlumata görə, hadisə avqustun 9-da Zaqatalanın Muxax kəndinin girişində baş verib.
"Opel" və VAZ-21099 markalı avtomobillərin toqquşması nəticəsində 1989-cu il təvəllüdlü Laçın Həsənov aldığı xəsarətlərdən hadisə yerində ölüb. Digər avtomobilin 2005-ci il təvəllüdlü sürücüsü İbadulla Əliyev isə müxtəlif dərəcəli bədən xəsarətləri alıb.
Faktla bağlı Zaqatala Rayon Polis Şöbəsində cinayət işi başlanılıb, araşdırma aparılır.
Qeyd edək ki, qəza nəticəsində həyatını itirən Laçın Həsənovun Zaqatala Rayon İcra Hakimiyyəti başçısının sürücüsü olduğu bildirilir.
Mənbə: Moderator.az
