Oğuz və Qəbələ rayonlarında yerləşən dağ zirvələrinə qar yağıb.
Shimal.News xəbər verir ki, dünən axşam saatlarından Şimal-qərb bölgəsində davam edən qeyri-sabit hava şəraiti Böyük Qafqazın yüksək zirvələrini ağ örpəyə bürüyüb.
Sakinlərin sözlərinə görə, sentyabrın ilk günlərində dağlara qar yağması olduqca nadir hadisədir.
Onlar xatırlayırlar ki, əvvəl 2016-cı il sentyabrın 24-də, 2022-ci il oktyabrın 15-də dağlara qar yağıb. Bu dəfə isə sentyabrın əvvəlində qarın yağması bölgə sakinlərinin diqqətini çəkib.
