Baş prokuror Kamran Əliyev avqustun 18-də Qubada şimal bölgəsinin sakinlərini qəbul edəcək.
Shimal.News-un məlumatına görə, qəbul saat 10:00-da Quba Rayon Prokurorluğunun inzibati binasında keçiriləcək.
Qəbulda Quba, Qusar, Xaçmaz, Şabran, Siyəzən və Xızı rayonlarının sakinləri iştirak edə bilərlər.
Vətəndaşların qəbula qeydiyyatı və Qubaya gəlmələrinin təşkili rayon prokurorları tərəfindən həyata keçiriləcək.
Qəbula yazılmaq istəyən vətəndaşlar yaşadıqları ərazi üzrə rayon prokurorluqlarına yazılı və ya şifahi müraciət edə bilərlər.
Bundan əlavə, Baş Prokurorluğun aşağıdakı telefon nömrələri ilə əlaqə saxlamaq mümkündür:
(012) 361-14-07
(012) 361-14-22
(012) 361-01-48
Vətəndaşlar həmçinin Baş Prokurorluğun elektron poçtu və sosial şəbəkə səhifələri vasitəsilə qəbula yazıla bilərlər.
