Baş prokuror Kamran Əliyev Quba rayonunda yerli və ətraf rayonlardan olan vətəndaşları qəbul edib.
Shimal.News-un məlumatına görə, görüş rayon prokurorluğunun inzibati binasında keçirilib. Burada Quba, Qusar, Xaçmaz, Şabran, Siyəzən və Xızıdan olan 31 vətəndaş iştirak edib.
Sakinlərin müraciətləri əsasən cinayət işlərinin istintaqı, törədilmiş cinayətlərlə bağlı araşdırmalar zamanı yol verilmiş qanun pozuntuları və məhkəmələrdə dövlət ittihamının müdafiəsi ilə bağlı olub.
Bununla yanaşı, mülki xarakterli mübahisələr və sosial məsələlər də dinlənilib.
Baş prokuror müraciətlərin araşdırılması və problemlərin həlli ilə bağlı prokurorluğun və aidiyyəti icra orqanlarının rəhbərlərinə müvafiq göstərişlər verib.
