Bu gün Azərbaycanın Xalq artisti, məşhur muğam ifaçısı Alim Qasımovun doğum günüdür.
Shimal.News-un məlumatına görə, Alim Qasımov 1957-ci il avqustun 14-də Şamaxı rayonunun Nabur kəndində anadan olub.
O, 1978–1982-ci illərdə Asəf Zeynallı adına Bakı Musiqi Məktəbində, 1983–1989-cu illərdə isə Azərbaycan Dövlət İncəsənət İnstitutunda muğam təhsili alıb.
Sənətkarın müəllimləri məşhur xanəndələr Hacıbaba Hüseynov və Ağaxan Abdullayev olub.
Alim Qasımov 25 yaşında ilk muğam müsabiqəsində uğur qazanıb. 1989-cu ildən Mansurov qardaşları ilə birgə çıxış etməyə başlayıb.
O, 1999-cu ildə beynəlxalq "IMC UNESCO" musiqi mükafatına layiq görülüb.
Xalq artisti dünyanın bir çox ölkələrində konsertlər verərək Azərbaycan muğamını beynəlxalq səviyyədə tanıdıb.
