Zaqatala şəhərinin mərkəzi küçələrində uzun müddətdir səki çöküb.
Bizim.Media-nın məlumatına görə, bu hal Azərbaycan prospekti 98 ünvanıda müşahidə olunur.
Sakinlər onları narahat edən daha bir məqamı da bildiriblər. Səkilərdən birində lükların qapaqlarının olmaması insanlar üçün təhlükəli məqamlardan biridir.
Azərbaycan prospekti axşam və gecə saatlarında da çox istifadə edilən məkandır. Burada azyaşlılar velospedlə keçir və yaşlı insanlar gəzintiyə çıxır.
Məsələ ilə əalqədar şəhər nümayəndəliyindən bildirilib ki, ərazidə abadlıq - tikinti işləri aparılıb. Lakin yaz-yay aylarında yağan yağışlar nəticəsində su arxları dolaraq bir sıra yerlərdə fəsadlar yaradıb. Lükların olmaması məsələsinə gəlincə isə bu məsələ araşdırılır.
