Xaçmaz rayonunda vaxtilə 60 minə yaxın əhaliyə xidmət göstərmiş xəstəxanada təmir işləri davam edir.
Bu bina “Azərtac”ın məlumatına görə, 65 il öncə Xudat Şəhər Xəstəxanası kimi fəaliyyətə başlayıb. Hazırda isə Ailə Sağlamlıq Mərkəzi və Xudat şəhər Təcili Tibbi Yardım (TTY) bölməsi kimi fəaliyyət göstərir. 2023-cü ilin noyabr ayından başlayan təmirin hazırda son tamamlama və daxili tərtibat işləri aparılır.
Burada müasir standartlara cavab verən kliniki müayinələrin aparılması, TTY (acil) xidmətlərinin genişləndirilməsi mümkün olacaq. Eləcə də kliniki laboratoriya, rentgen və ultrasəs müayinə kabinetləri, həmçinin təcili tibbi xidmətin göstərilməsi üçün qırmızı zona fəaliyyət göstərəcək.
