Xudat şəhərində inşa olunan “Foodcity Agropark”la tanışlıq olub. Bu barədə ShimalNews 4 may tarixində RİH-yə istinadən məlumat verir.
Xaçmaz Rayon İcra Hakimiyyətinin başçısı Elnur Rzayev müəssisədə işlərin gedişi ilə maraqlanıb. Ölkəmizin şimal qapısında inşa olunan zavoda 90 milyon manat investisiya olunub. Onun respublikamız üçün xüsusi əhəmiyyətinin olduğu bildirilib.
“Foodcity Agropark”ın ümumi sahəsi 12.3 ha-dır. Onun illik istehsal gücü 60.000 ton nəzərdə tutulub. Aqroparkın daxilində logistika mərkəzi, nəzarət-buraxılış məntəqələri, dövlət qurumları üçün inzibati bina, soyuducu saxlanma anbarları, çeşidləmə-qablaşdırma sahələri ilə yanaşı, ofis, qonaq evi, restoran və digər yardımçı tikililərin inşası da nəzərdə tutulub. İlkin mərhələdə zavodda 300 nəfərin işlə təmini nəzərdə tutulur, gələcəkdə isə say 600-dək artırılacaq.
