Xəzər dənizinin Muxtadır, Quba kəsimlərində monitorinqlər aparılıb. Bu haqda ShimalNews 1 avqust tarixində Ekologiya və Təbii Sərvətlər Nazirliyinə istinadən məlumat verir.
Kompleks ekoloji tədqiqat işləri nazirliyin, Elm və Təhsil Nazirliyinin Zoologiya İnstitutunun əməkdaşlarından ibarət ekspedisiya qrupu tərəfindən görülüb.
Əlif Hacıyev adına elmi-tədqiqat gəmisi ilə keçirilən monitorinqdə dənizin hidrobioloji vəziyyəti təhlil edilib, su, zooplankton, bentos, hava nümunələri götürülüb, hidrometeoroloji ölçmələr və müxtəlif komponentlər üzrə araşdırma aparılıb.
