Xaçmazlı şəhid Xaqani Əskərovun qızının şəkli sosial şəbəkələrdə geniş marağa səbəb olub. Bu barədə ShimalNews 27 sentyabr tarixində Xəzər TV-yə istinadən məlumat verir.
Sentyabrın 14-də, 3 yaşlı Ahu əllərində atasının şəkli ilə 2-ci Fəxri xiyabanda dəfn mərasimində iştirak edib. Bu zaman fotojurnalist Fərqanə Qasımlı onun şəklini çəkib.
Qızcığazın baxışlarındakı kədərlə yanaşı, dərin məna və qürur hissi duyulur.
Foto bir müddət öncə, sentyabrın 14-də, Ermənistan Silahlı Qüvvələrinin həmin günlərdə törətdiyi təxribatlar zamanı şəhid olan hərbi qulluqçuların 2-ci Fəxri xiyabanda dəfni zamanı çəkilib.
Xaqani Vətən müharibəsində iştirak edib. Qəhrəmanımız Füzulinin azadlığı uğrunda gedən döyüşlərdə savaşıb və sentyabrın 29-da şəhidlik zirvəsinə ucalıb. O, ölümündən sonra “Vətən uğrunda” və “Xocavəndin azad olunmasına görə” medalları ilə təltif edilib.
Şəhidin 5 yaşlı Aylin və 3 yaşlı Ahu adlı qızları yadigar qalıblar.
