Xaçmazda şəhid Rəhim İmamovun xatirəsi yad edilib. Bu barədə ShimalNews 10 avqust tarixində Xaçmaz Rayon İcra Hakimiyyətinə istinadən məlumat verir.
Tədbirdə rayon icra başçısı Elnur Rzayev, şəhid ailələri, Vətən müharibəsi qaziləri və ictimaiyyət nümayəndələri iştirak ediblər. Onlar əvvəlcə Xaspoladoba kənd qəbiristanlığında olublar, şəhidin ruhuna dualar oxuyublar.
Daha sonra Elnur Rzayev Rəhimin ailə üzvləri ilə görüşüb. Şəhidin atası Rauf İmamov 1-ci Qarabağ müharibəsində savaşıb.
İcra başçısı öz çıxışında ordumuzun 44 gün ərzində yağı düşmən üzərində qazandığı zəfərdən söhbət açıb. O bildirib ki, bu qələbə Azərbaycan tarixinə yazılan şanlı bir səhifə olaraq xatırlanacaq və şəhidlərimiz daim bu tarixin əsl qəhrəmanları olaraq yaddaşlarda qalacaqlar.
Rəhim İmamov 1990-cı ildə Xaçmaz rayonunun Xaspoladoba kəndində dünyaya göz açıb. Əsgərlik zamanı o, Daxili Qoşunlarda rabitəçi kimi xidmət edib. Şəhid olduqdan sonra “Xocavəndin azad olunmasına görə” və “Vətən uğrunda” medalları ilə təltif olunub.
[caption id="attachment_22157" align="alignnone" width="300"]
Photo Xaçmaz RİH[/caption]
