Ermənistan silahlı qüvvələri tərəfindən sentyabrın 12-dən 13-nə keçən gecə törədilən genişmiqyaslı təxribat zamanı yaralanan, Xaçmazdan olan hərbi qulluqçumuz ziyarət olunub. Bu barədə ShimalNews 29 aprel tarixində RİH-yə istinadən məlumat verir.
İcra başçısı Elnur Rzayev Seyidlər kəndində olub. O, Türkiyədən müalicədən qayıdan qazi Müşfiq Əhmədovun evinə baş çəkib, yaralı hərbçimizin səhhəti ilə maraqlanıb.
Müşfiq Əhmədov 44 günlük Vətən müharibəsinin iştirakçısı olub. O, döyüşlərdə göstərdiyi qəhrəmanlığa görə “Şuşanın azad olunmasına görə”, “Füzulinin azad olunmasına görə”, “Cəbrayılın azad olunmasına görə”, “Cəsur döyüşçü” və digər medallarla təltif olunub.
