Xaçmaz şəhər Dövlət Bayrağı meydanında "Axtar tap-2" intellektual yarışması keçirilib. Bu barədə ShimalNews 5 sentyabr tarixində Xaçmaz Rayon Gənclər və İdman İdarəsinə istinadən məlumat verir.
Gənclər və İdman İdarəsinin dəstəyi ilə keçirilən turnirdə Gənclər Klubunun üzvləri iştirak ediblər. Onlara ilk növbədə oyunun qaydaları haqqında məlumat verilib. Daha sonra iştirakçılar komanda şəklində mübarizə aparıblar.
Oyun 8 hissədən ibarət olub. Yarışmada qarşıya qoyulan tələbi ən tez icra edən komandalar mükafatçılar sırasına düşüblər.
Nəticələrə əsasən, “Sənətkarlar” komandası 1-ci yerə layiq görülüb. “Kamil” və “1984” komandaları isə müvafiq olaraq 2-ci və 3-cü yerlərdə qərarlaşıblar. Onlar idarə tərəfindən kubok, diplom və medallarla təltif olunublar.
