Xaçmazda 8 Noyabr - Zəfər Günü ilə bağlı tədbirlər təşkil olunub. Bu haqda ShimalNews 7 noyabr tarixində Xaçmaz RİH-yə istinadən məlumat verir.
Xaçmaz rayonunun ümumi təhsil müəssisələrində konfranslar, dəyirmi masalar, “açıq dərs”lər, vebinarlar, ədəbi-bədii kompozisiyalar, foto və rəsm sərgiləri keçirilib. Tədbirlərdə şagirdlərə Azərbaycanın tarixinə qızıl hərflərlə yazılmış Zəfər Günü, ordumuz qabaqcıl hərbi texnika və texnologiyalardan məharətlə istifadə edərək dünya hərb tarixində yeni səhifə yazması barədə ətraflı məlumat verilib.
Məktəblərdə Zəfər Gününə həsr olunmuş yaradıcılıq müsabiqələri və intellektual oyunlar da keçirilib.
