Xaçmaz rayon Heydər Əliyev Mərkəzində "Dünya bizim evimizdir" adlı tədbir keçirilib. Bu haqda ShimalNews 8 aprel tarixində məlumat verir.
Görüşdə iqlim dəyişmələrinin fəsadlarına qarşı mübarizədə, ətraf mühitin sağlamlaşdırılması, yaşıllıqların bərpası və artırılması istiqamətində aparılan işlərdən danışılıb.
Daha sonra məktəblilərin hazırladığı kompozisiya, şeir və mahnılar təqdim olunub. Qonaqlar UGİM-in Xudat bölməsinin şagirdlərinin hazırladığı “Çiçəklənən Azərbaycan”, “Azərbaycan etibarlı əllərdə”, “Biz sülh istəyirik”, “Azad quşun yuvası”, “Vətən çiçəkləri” mövzularındakı əl işlərinin sərgisinə baxış keçiriblər.
Tədbirdə MİHİ-nin Xaçmaz rayon Komitəsinin sədri, Xaçmaz rayon Heydər Əliyev Mərkəzinin direktoru, "Xaçmaz" qəzetinin əməkdaşı,
Xudat “Söz işığında” məclisinin yazarları, Qubadakı “Gülüstan” elmi-ədəbi məclisinin sədri, Xaçmaz rayon UGİM-in Xudat bölməsinin kollektivi, S.Məhərrəmov adına Xudat şəhər 3 saylı tam orta məktəbin müəllim və şagird kollektivi iştirak ediblər.
