Xaçmazda “Təmiz ölkəm” devizi altında Ümumrespublika Təmizlik Marafonu təşkil olunub. Bu barədə ShimalNews 2 avqust tarixində məlumat verir.
İməcilik Ekologiya və Təbii Sərvətlər, Gənclər və İdman nazirliklərinin yerli qurumları əməkdaşlarının, yerli icra hakimiyyəti orqanlarının, bələdiyyələrin, yerli kommunal müəssisələr kombinatlarının, yerli suvarma sistemləri idarələri nümayəndələrinin, sakinlərin və könüllülərin iştirakı ilə keçirilib. Xudat meşəbeyliyində toplanan tullantılar ərazilərdən daşınıb.
Marafon hər həftənin 4-cü və 6-cı günləri bütün ölkə ərazisində keçirilir. Ərazilər barədə elan öncədən nazirliyin sosial şəbəkə hesablarında paylaşılır.
