11 Oktyabr - Beynəlxalq Qızlar Gününə həsr olunmuş infoturlar zamanı Xaçmaz rayonuna və regionlara xüsusi tərtibatla dizayn edilmiş avtobus gələcək. Bu barədə ShimalNews 1 oktyabr tarixində "Regional İnkişaf" İctimai Birliyinə istinadən məlumat verir.
Tədbir Xaçmaz şəhərində oktyabrın 11-i, saat 13:00-dan 17:00-dək keçiriləcək. Tur qız övladlarının dəyəri və qızların səlahiyyətləndirilməsinə həsr olunacaq. İctimai məkanlarda səyyar maarifləndirmə aparılacaq, əhaliyə məlumatlandırıcı çap materialları paylanılacaq. Eləcə də maraqlı müsabiqə və interaktiv oyunların keçirilməsi nəzərdə tutulur.
Layihə Avropa İttifaqının maliyyə dəstəyi, BMT-nin Əhali Fondu (UNFPA) və BMT-nin Qadınlar üzrə Agentliyinin (UN Women) təşkilatçılığı ilə “Regional İnkişaf” İctimai Birliyi tərəfindən icra edilir.
